Eftirfarandi er tekið af Facebook síðu Lögreglunnar á höfuðborgarsvæðinu.
Sýnum varkárni.
Mikilvægt er að vita hvaða hegðun er í lagi á netinu og hvaða hegðun er óviðeigandi. Upplýsingar um þetta er víða að finna og upplagt að rifja það aðeins upp í tilefni dagsins, sem er alþjóðlegi netöryggisdagurinn. (12. febrúar). Við bendum m.a. á heimasíðu Neyðarlínunnar þar sem fjallað er um netöryggi, en þar má læra hvernig má bæta öryggi þitt og þinna á netinu. Hjá SAFT er að finna mikið af fróðleik um netöryggi og samskipti á netinu. Og Netumferðarskólinn beinir sjónum að því hvernig megi þekkja rangfærslur og falsfréttir og minnir á að STOPPA – HUGSA – ATHUGA til að koma í veg fyrir að við látum blekkjast á netinu og trúum rangfærslum og misvísandi upplýsingum.
